ЧС па хакеі: Францыя абыграла Нарвегію па булітах

Матч групавой стадыі турніру прайшоў 17 траўня ў “Чыжоўка-Арэне” і сабраў болей за 6 тысяч гледачоў.

Вынік гэтай дуэлі немагчыма было прадказаць адразу: супернікі абменьваліся галамі і скончылі трэці перыяд з лікам 4:4. У авертайме таксама не вызначыўся пераможца і давялося разыгрываць буліты, у якіх французы і былі мацнейшымі. Вынік — 5:4 (0:1, 3:1, 1:2, 0:0, 1:0).

Нагадаем, што сёння таксама прайшоў матч Расія — Латвія, які скончыўся лікам 4:1.