Чэмпіён свету па футболе зборная Германіі ганебна развіталася з ЧС-2018

Чэмпіён свету зборная Германіі па футболе ганебна развіталася з чэмпіянатам свету, які праходзіць у Расіі. 27 чэрвеня немцы не змаглі перамагчы зборную Паўднёвай Карэі і разам з ёй сталі няўдачнікамі групы "F". Калі ў паядынку са шведамі немцы цудам вырвалі перамогу, дык у сённяшнім матчы чарговага цуду не адбылося. Больш таго, у даданыя да асноўнага часу хвіліны прапусцілі два галы і прайгралі.

Германія ўпершыню не змагла выйсці з групы на чэмпіянатах свету.

У іншым матчы зборная Швецыі разграміла Мексіку — 3:0. У выніку шведы і мексіканцы набралі па 6 ачкоў і выйшлі ў 1/8 фіналу. У Паўднёвай Карэі і Германіі — па 3 ачкі.