Чатыры грузіны нелегальна перайшлі беларуска-польскую мяжу (фота)
Супрацоўнікі памежнай службы Польшчы пасля праверкі дакументаў затрымалі недалёка ад беларускай мяжы чатырох грамадзян Грузіі.
Пра гэта паведамляе інтэрнэт-старонка Падляшскай памежнай службы. Мужчыны нелегальна трапілі ў Польшчу з Беларусі. Канчатковай краінай прызначэння вандроўнікаў была Францыя.
Прасіць прытулак ў Польшчы грузіны не сталі, як гэта звычайна робяць нелегалы. Таму ў выніку яны былі перададзеныя беларускаму боку.
