Чарговае здарэнне ў мінскім метро
Каля 18-й гадзіны ў аўторак узніклі праблемы з рухам цягнікоў на Маскоўскай лініі метро.
Як паведамляе партал tut.by, прычынай збою сталі тэхнічныя праблемы, як мяркуецца, у тупіку станцыі "Уручча". Калі рух быў адноўлены, цягнікі спачатку курсіравалі з затрымкамі. З-за гэтага на некаторых станцыях на платформах сабралося шмат людзей, якія вярталіся з працы.
МНС і ахова метрапалітэна заявілі, што не маюць інфармацыі пра нейкія здарэнні ў мінскім метро, інфармуе "Интерфакс-Запад".
Як паведаміў БелаПАН начальнік метрапалітэна Расціслаў Юрэня, на станцыі "Уручча" не перевялася стрэлка на пуці, які вядзе ў тупік. На ліквідацыю непаладкі спатрэбілася не больш за пяць хвілін, сказаў ён.
Юрэня абверг меркаванні, якія з'віліся ў сацсетках, што на рэйкі зваліўся чалавек, а таксама інфармацыю, што цягнікі не спыняліся на станцыі другой лініі "Купалаўская".
Пасажырам у мінскім метро забароняць хадзіць па эскалатарах (відэа)
Фота — sb.by
