Царква "Новае жыццё" ўжо чатыры месяцы праводзіць сходы на вуліцы
![Набажэнства пад пякучым сонцам](/sites/default/files/styles/gallery_main/public/2023-08/1-3.jpg.webp?itok=WmCme4Hp)
Набажэнства пад пякучым сонцам
Царква "Новае жыццё" ў Мінску ўжо чатыры месяцы праводзіць свае набажэнствы на вуліцы — на аўтастаянцы побач з будынкам, адкуль іх выселілі ўлады. У мінулую нядзелю адбыўся ўжо 18-ы сход: вернікі сабраліся пад пякучым сонцам. Парасоны, саламяныя капелюшы і прыхаджане, якія хаваюцца ў цені сваёй былой царквы, — цяпер так выглядаюць іх набажэнствы.
17 лютага судовыя выканаўцы ў суправаджэнні супрацоўнікаў міліцыі ўвайшлі ў будынак царквы "Новае жыццё" пад пагрозай узлому дзвярэй. У царкве было каля 50 вернікаў. Іх выгналі з будынка, пагражаючы адправіць на "суткі".
Выселіць суполку хрысціян поўнага Евангелля з будынка на вуліцы Кавалёва ў Мінску сталічныя ўлады спрабуюць з 2005 года. У 2006-м вернікі ладзілі пост-галадоўку. У выніку акцыі мінскія ўлады пакінулі "Новае жыццё" ў старым будынку.
Пасля выбараў 2020 года пастар царквы Вячаслаў Ганчарэнка асудзіў гвалт сілавікоў на беларускіх вуліцах і заклікаў улады пакаяцца.
![Церковь “Новая жизнь” уже четыре месяца проводит собрания на улице](/sites/default/files/paragraphs/image/1-2_1.jpg)
![Церковь “Новая жизнь” уже четыре месяца проводит собрания на улице](/sites/default/files/paragraphs/image/1-7_1.jpg)
![Церковь “Новая жизнь” уже четыре месяца проводит собрания на улице](/sites/default/files/paragraphs/image/2_64.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.