Цалкам аголены беларус напаў на царкву ў Францыі
Мясцовыя жыхары ўпершыню сталі сведкамі нападу на царкву / ledauphine.com
Цалкам аголены беларус напаў на царкву ў Францыі. 35-гадовага мужчыну спачатку затрымала паліцыя. Пасля яго адправілі ў вар'ятню.
Як піша ledauphine.com, здарэнне адбылося раніцай 30 верасня на паўднёвым усходзе Францыі ў камуне Ле-Пеаж-дэ-Русільён. Мясцовыя жыхары паведамілі праваахоўнікам, што аголены мужчына грукае нагамі ў дзверы мясцовай царквы святога Яна Хрысціцеля, паводзіць сябе неадэкватна.
Высветлілася, што мужчына з'яўляецца замежнікам — грамадзянінам Беларусі. Пасля агляду, праведзенага лекарам, яго прымусова шпіталізавалі.
