Былы прэм'ер Італіі, мільярдэр Сільвіа Берлусконі асуджаны на 4 гады зняволення
Такое рашэнне вынес у сераду апеляцыйны суд Мілана.
Сільвіа Берлусконі пакараны за фінансавыя махінацыі ў яго медыйнай групе Mediaset. Такім чынам, калегія суддзяў задаволіла патрабаванні абвінавачання і пацвердзіла вынесены ў кастрычніку 2012-га прысуд суда першай інстанцыі — чатыры гады зняволення, тры з якіх адразу ж "даравалі" па амністыі.
Сам Берлусконі ў зале суда не прысутнічаў, ён чакаў вынясення рашэння ў сваёй рымскай рэзідэнцыі, паведамляе РІА "Новости".
Фота — ria.ru
