Пазбавілі ліцэнзіі адваката, якая абараняла Банцара, Пушкіна і Аўсіевіча
![Адвакаты / Еўрарадыё](/sites/default/files/styles/gallery_main/public/2023-08/e25e680e-0800-4e7b-8439-e9de9a84e617.jpeg.webp?itok=9xp63BCl)
Адвакаты / Еўрарадыё
Адваката Юлію Юргілевіч пазбавілі ліцэнзіі, пішуць праваабаронцы. Яна абараняла мастака Алеся Пушкіна, студэнта Арцёма Баярскага, музыку Ігара Банцара, сына святара Андрэя Аўсіевіча.
![Лишили лицензии адвоката, защищавшую Банцера, Пушкина и Авсиевича](/sites/default/files/paragraphs/image/a2827c0e-2804-4110-8734-82db6e2fafef.png)
Прычынай выключэння Юргілевіч з адвакацкай калегіі Гродна зрабіўся "непрафесіяналізм". Намеснік пракурора Гродзенскай вобласці Андрэй Скурат выказаў сумнеў у прафесіяналізме адваката і падаў скаргу, пасля якой адбылося пасяджэнне Савета Гродзенскай абласной калегіі адвакатаў, дзе прынялі рашэнне звольніць Юлію Юргілевіч за "непрафесіяналізм".
Агульны стаж працы адваката — 18 гадоў. Гэта чарговы крок у "зачыстцы" адвакатаў, якая пачалася летась. Амаль усіх адвакатаў, якія абаранялі палітвязняў, пазбавілі ліцэнзій.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.