Брэстаўчанін са сметніцай у руках напаў на банкамат

Брэстаўчанін са сметніцай у руках напаў на банкамат

52-гадовы непрацуючы жыхар Брэста хацеў зняць грошы з карткі, але скончылася ўсё непрыемна.

У банкамаце адбылася памылка аперацыі, і ён заглынуў картку мужчыны, піша прэс-служба УУС Брэсцкага аблвыканкама. Брастаўчанін не затэлефанаваў у тэхнічную службу падтрымкі, а вырашыў вярнуць сваю маёмасць з дапамогай сілы. Ён некалькі разоў стукнуў кулаком па клавіятуры, але выніку не атрымаў. Пасля гэтага мужчына схапіў сметніцу, якая стаяла непадалёк, і стукнуў ёй па клавіятуры.

Калі міліцыя затрымала парушальніка, ён патлумачыў свой учынак банальнай злосцю. Шкода, прычыненая ім, ацэьваецца больш як на 1000 рублёў, бо сапсаваную клавіятуру банкамата аднавіць немагчыма. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі