Большасць украінцаў лічаць Беларусь акупаванай Расіяй
Вайскоўцы ў РБ / sb.by
Большасць украінцаў лічаць Беларусь акупаванай Расіяй. Пра гэта сведчаць вынікі праведзенага ўкраінскай кампаніяй Active Group у жніўні 2023-га сацыялагічнага апытання. Больш за 76% рэспандэнтаў назвалі РБ "выключна" і "пераважна" акупаванай краінай.
Пры гэтым украінцы чакаюць, што Беларусь выплаціць Украіне кампенсацыю. 41,4% лічаць, што яна павінна быць на роўных з расійскай кампенсацыяй, 45,7% — меншай, чым расійская. І толькі амаль 13% апытаных перакананыя, што РБ не павінна нічога плаціць Украіне.
45,7% апытаных лічаць, што ўлады Украіны робяць недастаткова для таго, каб прыцягнуць да адказнасці Аляксандра Лукашэнку.
