Беларусы знялі з расійскага цягніка вайсковую амуніцыю са свастыкамі
Супрацоўнікі Ашмянскай мытні ў Гудагаі аглядалі цягнік Масква — Калінінград, калі звярнулі ўвагу на адну з сумак.
Яе гаспадар сказаў, што тавараў, якія падлягаюць дэклараванню, у ёй няма. Мытнікі не паверылі ды падчас дагляду знайшлі тры пісталеты без адпаведных дакументаў ды вайсковую амуніцыю са свастыкамі, як мяркуецца, часоў Другой сусветнай вайны.
Узоры атрыбутыкі і пісталеты ў пасажыра былі забраныя для накіравання на экспертызу ва ўпраўленне па ахове гісторыка-культурнай спадчыны і рэстаўрацыі Міністэрства культуры ды ў Дзяржкамітэт судовых экспертыз, інфармуе БЕЛТА.