Беларусы трацяць на ежу больш за 40% даходаў
![Беларусы трацяць на ежу больш за 40% даходаў](/sites/default/files/styles/gallery_main/public/2023-08/000021_94260_big.jpg.webp?itok=GVTmP3I-)
Беларусы трацяць на набыццё прадуктаў харчавання 41,6% сваіх даходаў. Пра гэта сведчаць дадзеныя Нацыянальнага статыстычнага камітэта за перыяд са студзеня да верасня 2016 года. У 2015 годзе жыхары нашай краіны трацілі на ежу амаль 42%.
Сёлета за першыя дзевяць месяцаў грамадзяне патрацілі на набыццё нехарчовых тавараў 31,2% даходаў, на аплату паслуг — 23,9%. Рэсурсы, якімі валодала хатняя гаспадарка, склалі каля 967 рублёў на месяц (у гарадах — амаль 1 042 рублі, у вёсках — амаль 771).
Белстат адзначае, што абследаванне хатніх гаспадарак па ўзроўню жыцця праводзілася выбарачна.
![Беларусы трацяць на ежу больш за 40% даходаў](/sites/default/files/paragraphs/image/000021345875big.jpg)
Фота: БЕЛТА