Беларускія ратавальнікі дасталі з-пад завалаў у Турцыі 51 чалавека

Беларускія ратавальнікі дасталі з-пад завалаў у Турцыі 51 чалавек. З іх 6 засталіся жывыя.

— Хтосьці праляжаў пад заваламі 4 дні, хтосьці — крыху менш за тыдзень, а былі і тыя, хто пратрымаўся больш за 8 дзён, — паведамляе прэс-служба МНС.

Атрад спецыяльнага прызначэння "ЗУБР" прыбыў у горад Кахраманмараш, пацярпелы ад серыі землятрусаў, 8 лютага. 18 лютага атрад з 64 чалавек з кіналагічнай службай вярнуўся ў Беларусь.

Да раніцы 18 лютага вядома аб больш за 45 тысячах загінулых у выніку землятрусу ў Турцыі і Сірыі.