Беларускія памежнікі затрымалі 330 кг гераіну з Ірана
Затрыманыя наркотыкі / Памежны камітэт
Беларускія памежнікі рапатруюць, што ў супрацы з расіянамі ліквідавалі канал наркатрафіку і затрымалі каля 330 кілаграмаў гераіну.
Наркотык быў спакаваны ў скрынкі з-пад соку і захоўваўся ў адным са складоў у Мінску.
Падчас аператыўна-вышуковых мерапрыемстваў беларускія памежнікі выявілі, што везлі наркотык з Ірана праз Расію. Пасля Мінска гераін мусіў адправіцца далей на захад. Канчатковым пунктам маршруту павінна была стаць Вялікабрытанія.
Паведамляецца, што былі выяўленыя ўсе ўдзельнікі і арганізатары міжнароднай злачыннай групы. Дзякуючы аператыўнай камбінацыі памежнікаў усе яны прыбылі на тэрыторыю Беларусі, каб удзельнічаць у перапраўцы гераіну ў Еўропу.
Падчас аперацыі былі затрыманыя чацвёра грамадзян Турцыі і адзін грамадзянін Беларусі. Ім пагражае да 20 гадоў пазбаўлення волі.
