Беларускія памежнікі забралі ў брэстаўчаніна сцягі Еўрасаюза
У грамадскага актывіста забралі сем сцягоў Еўрасаюза — для "правядзення экспертызы".
Беларускія памежнікі затрымалі брэсцкага актывіста Андрэя Шарэнду, які ехаў на аўтобусе Варшава-Мінск. Як паведамляе charter97.org, гэта адбылося падчас пашпартнага кантролю на беларускай мяжы каля 2-й гадзіны ночы.
Актывіста дагледзелі і знайшлі ў яго сем сцягоў Еўрасаюза. Памежнікі вырашылі забраць сцягі для "правядзення экспертызы". Самога Шарэнду вызвалілі праз некалькі гадзін пасля затрымання. Брэстаўчанін лічыць, што яго імя ўнеслі ў "чорны спіс" грамадскіх актывістаў, якіх рэгулярна даглядаюць пры перасячэнні дзяржаўнай мяжы.
Фота — luxfon.com
