Беларускія і расійскія цыгарэты пазбавілі бюджэт Латвіі мільёнаў еўра

Такія падлікі правялі мясцовыя журналісты, паведамляе NewsBalt. Пры гэтым у Латвіі за апошнія пяць гадоў спажыванне кантрабандных тытунёвых вырабаў вырасла ў чатыры разы.

Як растлумачыў дырэктар Мытнага крымінальнага ўпраўлення Службы дзяржпрыбыткаў Латвіі Эдзійс Цэйпе, увоз нелегальных цыгарэт праз мяжу — справа рук добра арганізаваных груповак, якія дзейнічаюць не без дапамогі карумпаваных чыноўнікаў.