Беларускія хакеісты на Кубку чатырох нацый перамаглі каманду Славеніі
На Кубку чатырох нацый velcom у Мінску беларускія хакеісты заваявалі другую перамогу запар. У матчы з камандай Славеніі нашыя спартоўцы святкавалі вікторыю з лікам 4:1 (1:1, 0:2, 0:1).
Ужо на 11-й секундзе сустрэчы лік адкрыў Максім Парфеявец. Праўда, да канца перыяду Лука Басіч здолеў зраўняць лік — 1: 1. У другім перыядзе Арцём Кіслы адзначыўся дублем, вывеўшы нашу зборную наперад. А ў трэцяй частцы гульні Артур Гаўрусеў канчаткова замацаваў перавагу гаспадароў поля.
У другім матчы дня хакеісты Латвіі выйгралі ў Францыі — 4:1.
Турнірнае становішча: Беларусь — 6 ачкоў (2 гульні), Латвія — 6 (2), Славенія — 0 (2), Францыя — 0 (2).
У апошні дзень турніру пройдуць матчы Францыя-Славенія і Беларусь-Латвія.
