Беларускія гандбалісты абыгралі македонцаў на чэмпіянаце Еўропы

На чэмпіянаце Еўропы па гандболе ў матчы заключнага тура асноўнага раўнда беларуская зборная абыграла каманду Македонію з мінімальнай перавагай — 30:29.

У беларускай каманды вызначыліся Барыс Пухоўскі (11 галоў), Уладзіслаў Кулеш, Андрэй Юрынок (абодва — па 5), Аляксей Хадкевіч (4), Максім Баранаў (3), Арцём Каралёк (2).

Такім чынам, наша каманда заняла дзясятае месца сярод 16 удзельнікаў Еўра-2016.