Беларускі ПЭН-цэнтр ачоліла Святлана Алексіевіч
![Беларускі ПЭН-цэнтр ачоліла Святлана Алексіевіч](/sites/default/files/styles/gallery_main/public/2023-08/aleksievic.jpg.webp?itok=O5d6l8zk)
Беларускі ПЭН-цэнтр ачоліла нобелеўская лаўрэатка Святлана Алексіевіч. За такое рашэнне прагаласавалі на агульным сходзе арганізацыі, які праходзіць сёння ў Мінску. Папярэдняя кіраўніца ПЭН-цэнтра паэтка Таццяна Нядбай застаецца на пасадзе першай намесніцы, а другім намеснікам абраны паэт Андрэй Хадановіч, які раней таксама ачольваў цэнтр.
На пасаду трэцяга намесніка абралі паэтку і перакладчыцу Марыю Мартысевіч.
Агульнаму сходу папярэднічаў скандальны адкрыты ліст Паўла Севярынца, у якім ён абвінаваціў ПЭН-цэнтр у прапагандзе гомасексуальнага ладу жыцця і зрабіў шэраг іншых рэзкіх заяў. Раней Севярынец быў выключаны за нясплату ўнёскаў. Цяпер ён адноўлены ў арганізацыі. Адноўленыя таксама Сямён Букчын і Сяргей Шапран.