"Беларуськалій" атрымае страхоўку ад палітычных рызык

"Беларуськалій" атрымае страхоўку ад палітычных рызык

"Беларуськалій" атрымае кароткатэрміновую страхоўку ад палітычных рызык. Страхаваць яго будзе страхавое таварыства "Белэксімгарант". Адпаведнае распараджэнне выдаў Саўмін у сваёй пастанове №192 ад 5 красавіка 2021 года. 

Гаворка ў ім ідзе пра кантракт, заключаны з Бразіліяй.

"Беларуськалій" — адзін з асноўных пастаўшчыкоў валюты ў краіну. Пасля таго, як кіраўніцтва прадпрыемства стала звальняць страйкоўцаў, на партнёраў "Беларуськалію" пачаўся ціск міжнароднай супольнасці. Кампанія Yara неаднаразова звяртала ўвагу "Беларуськалію" на становішча з правамі чалавека і на сітуацыю са звольненымі страйкоўцамі.

Што да кантракту з Бразіліяй, то, як піша ТГ-канал "Эканоміка па-беларуску", у 2020 годзе гэтая краіна узначаліла топ імпарцёраў беларускага хлоркалію. Беларускі экспарт у Бразілію склаў 522 мільёны долараў супраць 320,7 мільёна долараў у Кітай і 290 мільёнаў долараў у Індыю. У агульным экспарце доля Бразіліі дасягнула 21,6%.

"Беларуськалій" атрымае страхоўку ад палітычных рызык
Пастанова Саўміна

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі