Беларускага памежніка вінавацяць у парушэнні літоўскай мяжы
Беларускага памежніка вінавацяць у парушэнні мяжы з Літвой / 15min.lt
Літоўскі бок вінаваціць беларускага памежніка ў парушэнні мяжы, піша 15min.lt.
Здарэнне адбылося 12 красавіка ў Швянчонскім раёне. Па словах літоўскіх памежнікаў, пяцёра іх беларускіх калег ішлі ўздоўж лініі мяжы па сваёй тэрыторыі.
"Там нашы камеры відэаназірання, побач фізічны бар'ер, канцэрціна, плот. І з гэтых пяцярых адзін увайшоў на тэрыторыю Літвы на метр на вельмі кароткі час і, не спыняючыся, выйшаў з яе — там справа секундаў, але гэта відавочна трактуецца як незаконнае парушэнне дзяржмяжы", — кажа прадстаўнік памежнай службы Літвы Гедрус Мішуціс.
Ён падкрэсліў, што гэта адбылося ў светлы час сутак і памежнік бачыў, куды ішоў.
У Літве пачалі дасудовае расследаванне.
