Беларуска везла з Украіны ў запасным коле сала, машыну могуць канфіскаваць. Фота
![Беларуска везла з Украіны ў запасным коле сала, машыну могуць канфіскаваць. Фота](/sites/default/files/styles/gallery_main/public/2023-08/dd4223bc5f4fbe2f51840095569d72b5.jpg.webp?itok=0abybS-i)
Жыхарка Століна везла з Украіны на аўтамабілі Opel у навясным запасным коле… мяса і сала, забароненую для ўвозу ў нашу краіну прадукцыю. Здарэнне адбылося ў пункце пропуску Верхні Церабежаў (Гарадзішча). Схаваны тавар выявіў службовы сабака.
Як паведамляе прэс-служба Дзяржаўнага памежнага камітэта Беларусі, выяўлены тавар важыць амаль 20 кілаграмаў, а каштуе ён 150 рублёў. Аўтамабіль жа ацанілі на 6 тысяч рублёў, да канца разбіральніцтва яго змясцілі на стаянку затрыманых транспартных сродкаў. Праводзіцца праверка. Аўтамабіль можа быць канфіскаваны.
Фота: gpk.gov.by