Беларуса ў Польшчы будуць судзіць за падрыхтоўку дыверсіі
Супрацоўнікі ABW, ілюстрацыйнае фота / ABW
Грамадзяніна Беларусі Віталя С. будуць судзіць у Польшчы за падрыхтоўку дыверсіі па заданні замежнай разведкі. 27 ліпеня яму выставілі абвінавачанне, паведамляе прэс-служба Агенцтва ўнутранай бяспекі (ABW) Польшчы.
Мужчына працаваў барменам у адным з люблінскіх рэстаранаў. Як высветлілі польскія спецслужбы, ён рыхтаваўся падпаліць склад у Люблінскім ваяводстве. Беларус правёў разведку аб'екта, запісаў відэа склада і перадаў падрыхтаваную дакументацыю кліенту. За выкананне задання яму плацілі ў крыптавалюце. Для вярбоўкі і перадачы інструкцый выкарыстоўвалі Тэлеграм. Затрымалі мужчыну 13 жніўня 2025 года. Ад таго часу ён знаходзіцца пад вартай.
Акрамя падрыхтоўкі дыверсіі Віталя С. вінавацяць у захоўванні наркотыкаў. За гэтыя злачынствы яму пагражае да васьмі гадоў пазбаўлення волі.
Funkcjonariusze Agencji Bezpieczeństwa Wewnętrznego zapobiegli dywersji, którą przygotowywał 28-letni Białorusin. Mężczyzna, pracując jako barman w jednej z lubelskich restauracji, opracowywał plan podpalenia ogromnego, wielkopowierzchniowego magazynu znajdującego się w…
— Jacek Dobrzyński (@JacekDobrzynski) July 31, 2026
