Беларуса адправілі ў калонію за напісанае пра Лукашэнку і расійскіх вайскоўцаў
![Беларуса адправілі ў калонію за напісанае пра Лукашэнку і расійскіх вайскоўцаў](/sites/default/files/styles/gallery_main/public/2023-08/tel_1.jpg.webp?itok=hgFBwK46)
4,5 года калоніі ўзмоцненага рэжыму прысудзілі 35-гадоваму жыхару Зэльвеншчыны. Яго прызналі вінаватым па трох артыкулах Крымінальнага кодэксу — у "абразе" і "пагрозе прымянення гвалту" ў дачыненні Аляксандра Лукашэнкі, а таксама ў "распальванні варожасці і варажнечы", паведамляе пракуратура Гродзенскай вобласці. Правабаронцы ўдакладняюць, што гаворка ідзе пра Сяргея Кірыковіча. Яго крымінальную справу разглядаў Гродзенскі абласны суд (суддзя — Дзмітрый Бубенчык).
Згодна з матэрыяламі справы, мужчына з лістапада 2020-га да студзеня 2022 года размясціў у суполках сацыяльнай сеткі "УКантакце" паведамленні, якія "змяшчаюць абразы і пагрозы прымянення гвалту" ў дачыненні Лукашэнкі. Ён жа ў лютым 2022-га размясціў паведамленні пра расійскіх вайскоўцаў. Верагодна, гэта адбылося пасля пачатку агрэсіі РФ супраць Украіны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.