Беларусь спадзяецца заняць расійскія рынкі падчас заходніх санкцыяў
У Міністэрстве замежных спраў лічаць, што ўвядзенне эканамічных санкцый супраць Расіі можа адкрыць дадатковыя гандлёвыя нішы для Беларусі.
Пра гэта заявіў кіраўнік беларускай дыпламатыі Уладзіімр Макей, перадае interfax.by. Ён нагадаў, што Расія з'яўляецца галоўным гандлёва-эканамічным партнёрам нашай краіны.
Макей таксама адзначыў, што Беларусь улічвае ўплыў украінскіх падзей на эканоміку Беларусі. "У нас з Украінай трохі знізіўся таваразварот у гэтым годзе, але сальда ў цэлым станоўчае", — паведаміў ён. Міністр упэўнены, што нягледзячы на палітычны крызіс ва Украіне Беларусь захавае высокі ўзровень гандлёва-эканамічных адносін з гэтай краінай.
Фота — svaboda.org
