Беларус раскаяўся ў збіцці расіяніна і атрымаў 8 гадоў турмы
Суд горада Уладзіміра прызнаў беларусаў Яўгена Падгорнага і Алега Пузана вінаватымі ў разбойным нападзе.
Як піша "Комсомольская правда", у канцы красавіка Падгорны і Пузан, узброіўшыся металічным прутом, напалі на 59-гадовага мужчыну ў расійскай мясцовасці Добрае. Моцна збіўшы пацярпелага, беларусы адабралі ў яго грошы. Збіццё было кваліфікаванае як "цяжкая шкода здароўю".
Праўда, пазней адзін з нападнікаў, Яўген Падгорны, з'явіўся ў аддзяленне паліцыі з пакаяннем. Алег Пузан, у сваю чаргу, добраахвотна пакрыў расіяніну маёмасную і маральную шкоду. Тым не менш, беларусы за асабліва цяжкае злачынства правядуць па 8 гадоў у папраўчай калоніі строгага рэжыму.
Прысуд пакуль не набыў законную моц.
Фота — analitica.kiev.ua
