Беларусь безбар’ерная: Як інваліду-вазочніку трапіць з Нямігі ў Верхні горад?
![Беларусь безбар’ерная: Як інваліду-вазочніку трапіць з Нямігі ў Верхні горад?](/sites/default/files/styles/gallery_main/public/2023-08/bez_barier.jpg.webp?itok=4n7gn9tT)
Як інваліду-вазочніку трапіць у Святадухаў сабор у Мінску? Адказ: або нарэзаць кола праз Верхні горад, або скарыстацца дапамогай сваяка ці сябра і праехаць наўпрост праз газон. Практыка паказвае, што другі варыянт больш прымальны, бо з боку Нямігі няма пандусаў для пад’ёму на інвалідным вазку.
Фотаздымак чалавека, які каціць па газоне інвалідны вазок, змясціў у сваім Фэйсбуку блогер Яўген Харужы. Як вядома, Святадухаў кафедральны сабор стаіць на ўзгорку і з боку Нямігі да яго трэба падымацца па сходах, а яны не прызначаныя для перасоўвання людзей з абмежаванымі магчымасцямі.