Беларусь адкрыла Чарнобыльскую зону для турыстаў

Беларусь адкрыла Чарнобыльскую зоны для турыстаў. Цяпер можна трапіць на некаторыя аб’екты, доступ да якіх раней быў абмежаваны, паведамляе тэлеканал АНТ.

“Сфармаваныя два маршруты, падабраныя пляцоўкі, дарогі з удасканаленым пакрыццём, і наагул пралічаны тыя дозы, якія могуць атрымаць грамадзяне, знаходзячыся ў нас”, — распавёў карэспандэнту канала намеснік дырэктара Палесскага дзяржаўнага радыяцыйна-экалагічнага заказніка Максім Кудзін.

Кошт экскурсіі на пяць чалавек складзе 340 беларускіх рублёў. Што да радыяцыі, то навукоўца заявіў: доза, якая будзе атрыманая ад пералёту, большая, чым знаходжанне цягам аднаго працоўнага дня ў зоне адчужэння.

Украіна раней адкрыла зону адчужэння са свайго боку і пускае туды турыстаў.