Байцоў Нацгвардыі будуць карміць тушонкай расійскага бізнэсоўца
Цэнтральная база забеспячэння Нацгвардыі (вайсковая часць 3078) заключыла пагадненні на пастаўку мясных кансерваў на суму 6,13 мільёна грывен.
Большую частку сродкаў аддадуць ТАА "Слаўпрадукт" — за 4,41 мільёна грывен фірма будзе пастаўляць тушаную ялавічыну, піша censor.net.ua.
Уладальнікам кампаніі "Слаўпрадукт", зарэгістраванай ва Украіне, з'яўляецца Сяргей Гаўрылюк з Санкт-Пецярбурга.
У СМІ адзначаецца, што фірма атрымала замову без адкрытых таргоў, са спасылкай на тэрміновую неабходнасць забяспечыць патрэбы Нацгвардыі. Чаму пастаўшчыком была абраная менавіта гэтая кампанія, не ўдакладняецца.
Фота — kachestvo.ru