Вы тут

Банкаўскія карткі могуць не працаваць у ноч на 13 красавіка

БЕЛТА

У ноч на 13 красавіка ў Банкаўскім працэсінгавым цэнтры будуць праводзіцца тэхналагічныя работы на апаратна-праграмным комплексе. Як паведамляецца на сайце цэнтра, гэта робіцца для выканання патрабаванняў міжнародных плацежных сістэм.

У сувязі з работамі ў прамежку з 3:00 да 4:00 магчымыя кароткатэрміновыя перапынкі ў працы банкаўскіх картак. Перабоі могуць узнікнуць у крамах, пунктах выдачы наяўных грошай, у працы прыладаў самаабслугоўвання, банкаматаў, якія абслугоўваюцца банкамі, падлучанымі да апаратна- праграмнаага комплексу Цэнтра.