Аварыя пакінула без газу 36 шматкватэрных дамоў у Пухавіцкім раёне
36 шмакватэрных і 11 прыватных дамоў у Пухавіцкім раёне засталіся без газу 2 снежня, паведамляе БЕЛТА.
Паведамленне пра няспраўнасць абсталявання на газаразмеркавальнай падстанцыі №17 філіяла "ПУ "Слуцкгаз" РУП "Мінскаблгаз" па вуліцы Садовай у гарадскім пасёлку Праўдзінскі супрацоўнікі МНС атрымалі 2 снежня ў 6:26.
Аднавіць падачу газу спецыялісты змаглі ў 14:50 пасля пакватэрнага абыходу спажыўцоў.
Прычынай няспраўнасці называецца абледзяненне паніжальнага абсталявання на падстанцыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
