Аварыя на трубаправодзе пакінула без вады частку Мінска
Прарыў трубаправода зранку 2 красавіка пакінуў без вады частку мінчукоў. Здарэнне адбылося на вуліцы Убарэвіча ў Чыжоўцы каля крамы "ProStore".
Па адрасе вуліца Убарэвіча, 176 прарвала трубаправод халоднай вады дыяметрам 1 м, перадае БЕЛТА. На месца неадкладна выбыла аварыйная брыгада водаканала. Пры прарыве вада падтапіла сутарэнне адміністрацыйнага будынка па адрасе вуліца Убарэвіча, 99.
У выніку аварыі быў зніжаны ціск вады ў мікрараёнах Чыжоўка, Серабранка, Лошыца і ў Кастрычніцкім мікрараёне. Лакалізаваць аварыю ўдалося праз некалькі гадзін. Ціск у сістэме водазабеспячэння адноўлены.
@tutby на улице Уборевича возле Простора прорыв канализации. Подтоплена парковка и проезжая часть pic.twitter.com/bb4ssBdzbT
— Alex Feskovich (@Racoon_Alex) April 2, 2018