Артыст Уладзімір Гасцюхін пасварыўся з сястрой і дачкой за вайну ва Украіне
![Уладзімір Гасцюхін у фільме "Дальнабойшчыкі"](/sites/default/files/styles/gallery_main/public/2023-08/hasciuchin-1212.jpg.webp?itok=CnyNFUYM)
Уладзімір Гасцюхін у фільме "Дальнабойшчыкі"
Народны артыст Беларусі Уладзімір Гасцюхін пасварыўся з сястрой і пазашлюбнай дачкой за вайну ва Украіне, піша "Московский комсомолец". Сваякі актора не падтрымалі палітыку Масквы.
Гасцюхін у тэлеэфіры назваў сваю сястру, якая жыве ў Харкаве, "не зусім здаровай": "Уся гэтая ўкраінская прапаганда задурыла ёй галаву".
Актор распавёў, што даслаў сястры ліст, а ў адказе "пайшла антыруская гаворка... У мяне была істэрыка".
З той жа самай прычыны ён пасварыўся з пазашлюбнай дачкой Аляксандрай. Яна цяпер жыве ў ЗША з мужам афраамерыканцам. "Дачка адышла ад Расіі. Яна прыняла амерыканскі бок", — канстатаваў ён.
Уладзімір Гасцюхін вядомы не толькі як кінаактор (напрыклад, серыял "Дальнабойшчыкі"), але і як зацяты "рускамірац". У 1995 годзе ён агучваў агітфільм "Дзеці хлусні", які Азаронак-старэйшы зняў для ачарнення нацыянальнай сімволікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.