Арэта Франклін названая найвялікшай спявачкай эпохі рок-н-рола

Соўл-дзіва Арэта Франклін (Aretha Franklin) узначаліла рэйтынг «Ста найвялікшых вакалістаў эпохі рок-н-ролу», складзены вядомым часопісам Rolling Stone па выніках галасавання бачных дзеячоў сучаснага шоў-бізнэсу.  66-гадовая спявачка, якая мае ў сваім актыве 20 прэмій «Грэмі», абыйшла такіх прызнаных зорак вакальнага майстэрства, як Роберт Плант (Robert Plant), Элвіс Прэслі (Elvis Presley) і Стыві Ўандэр (Stevie Wonder), апынуўшыся пры гэтым адзінай жанчынай у Топ-10.

Другое месца ў рэйтынгу заняў Рэй Чарльз (Ray Charles), трэцяе – Элвіс Прэслі. Таксама ў дзясятку лепшых увайшлі Сэм Кук, Джон Ленан і Джэймс Браўн. Цікава, што калега Джона Ленана па Beatles Пол Макартні дасягнуў толькі 11-й пазіцыі, а яго заўсёдны супернік Мік Джагер з Rolling Stones – 16-й.

Варта таксама заўважыць, што нараўне з Арэтай Франклін у Топ-10 выявіліся толькі двое выканаўцаў, якія цяпер жывуць – Боб Дылан (7-е месца) і Стыві Ўандэр (9-е). Самым жа «маладым» з прадстаўленых у рэйтынгавай сотні апынуўся Майкл Джэксан (нагадаем, сёлета Каралю поп-музыкі споўнілася 50 гадоў).

У складанні рэйтынгу прынялі ўдзел 179 вядомых музыкаў, прадзюсараў і прадстаўнікоў музычнага бізнэсу – у тым ліку гітарыст Rolling Stones Кіт Рычардс, Ігі Поп (Iggy Pop), Мэры Джэй Блайдж (Mary J. Blige), Джэймс Блант (James Blunt) і іншыя.

Топ-10 найвялікшых вакалістаў эпохі рок-н-ролу:

1. Арэта Франклін
2. Рэй Чарльз
3. Элвіс Прэслі
4. Сэм Кук
5. Джон Ленан
6. Марвін Гай
7. Боб Дылан
8. Оціс Рэдзінг
9. Стыві Ўандэр
10. Джэймс Браўн.

Адзначым, што меркаванне прафесіяналаў з нагоды лідэра рэйтынгу сышлося з поглядамі брытанскага студэнцтва: нядаўна Арэта Франклін таксама была прызнаная «Найвялікшым выканаўцам усіх часоў» паводле дадзеных апытання студэнтаў Лонданскага музычнага тэхнічнага каледжа.

Фота: www.littlerichard.narod.ru