Вы тут

Андрэй Бандарэнка выйграў суд ва ўласніка “БелГазеты” Кірыла Жываловіча

"БелГазета" / Еўрарадыё

Праваабаронца Андрэй Бандарэнка, які прэтэндаваў на пасаду дырэктара “БелГазеты”, выйграў суд у асноўнага ўласніка гэтага выдання Кірыла Жываловіча. Бандарэнка даказваў, што словы “аферыст”, “прайдзісвет” і “махляр”, якімі яго называў Жываловіч, не адпавядаюць рэчаіснасці і зневажаюць яго гонар, годнасць і дзелавую рэпутацыю. Жываловіч з гэтым не пагаджаўся.

Копія рашэння суда ёсць у рэдакцыі Еўрарадыё. Яно яшчэ не набыла моц і можа быць абскарджанае. Адзін з бакоў ужо выказаў намер гэта зрабіць.