Аляксея Шоту затрымалі за размяшчэнне на Hrodna.life экстрэмісцкай інфармацыі
Гродзенская міліцыя пракаментавала затрыманне галоўнага рэдактара мясцовага партала Hrodna.life Аляксея Шоты.
Нібыта сілавікамі "выяўлены факт размяшчэння сайтам інфармацыйнай прадукцыі, прызнанай ва ўстаноўленым парадку экстрэмісцкай". Паводле звестак міліцыі, і ў гэты ў мінулы раз гаворка ідзе пра прадукцыю аднаго і таго ж тэлеграм-канала. Цяпер сілавікі праводзяць вобшук дома ў Аляксея Шоты, і забіраюць тэлефоны і камп'ютары для далейшага накіравання на экспертызы.
Відэа, дзе супрацоўнікі міліцыі паведамляюць пра правапарушэньне Hrodna.life, з’явілася на YouTube яшчэ 28 траўня. За 2 дні да затрымання галоўрэда Hrodna.life.
19 сакавіка Аляксей Шота ўжо быў аштрафаваны на 25 базавых велічынь, а выданне — на 400 па адміністрацыйным артыкуле "за распаўсюд экстрэмісцкай інфармацыі" на сайце.
