Аляксандр Лукашэнка адкрыў палац спорту "Уручча"
![Аляксандр Лукашэнка адкрыў палац спорту "Уручча"](/sites/default/files/styles/gallery_main/public/2023-08/uru44a-1802.jpg.webp?itok=ECyOEV7Y)
Дзяржава ўкладвае ў спорт шмат сродкаў, але пакуль што не бачыць належнай аддачы ад гэтага. Пра гэта Аляксандр Лукашэнка заявіў 18 лютага на цырымоніі адкрыцця палаца спорту "Уручча" і Міжнароднага дзіцячага турніру па гандболе.
Хаця новы палац спорту "Уручча" шматпрофільны, але асноўная ўвага тут будзе надавацца гандболу і яго папулярызацыі. "Але хопіць казаць пра папулярызацыю. Трэба выйграваць. Мы шмат укладаем у спорт, але аддачы належнай пакуль не атрымалі", — перадае БЕЛТА словы Лукашэнкі.
Кіраўнік Беларусі паведаміў, што дзяржава гатовая падтрымліваць спартоўцаў, у тым ліку і гандбалістаў. Але яна падставіць плячо толькі там, дзе гэта неабходна. А ў адказ спартоўцы павінны радаваць вынікамі. На думку Лукашэнкі, для гэтага ёсць усе ўмовы.