Ахвярамі "Хавера" на поўначы Еўропы сталі пяць чалавек (відэа)
Паўночнаатлантычны цыклон насоўваецца на Беларусь.
Як паведамляла Еўрарадыё, першымі ахвярамі "Хавера" сталі жыхары Вялікабрытаніі. З-за моцнага ветру ў Шатландыі перакінуўся грузавік, які расплюшчыў два легкавікі. Шафёр грузавіка загінуў. У Рэтфардзе мужчыну забіла дрэва, якое зламаў вецер.
Сёння стала вядома пра яшчэ тры ахвяры. У Швецыі з-за стыхіі загінулі двое маракоў, якія патанулі падчас шторму. У Даніі загінула жанчына — вецер перакуліў яе аўтамабіль, паведамляе агенцтва AFP.
У многіх краінах поўначы Еўропы моцны вецер паваліў сотні дрэваў, пашкодзіў лініі электраперадачаў, адмяняюцца авіярэйсы, часова спыняўся рух на чыгунцы, не працавалі паромы. У Вялікабрытаніі з-за вялікай паводкі даводзілася эвакуяваць людзей.
Цыклон "Хавер", які ідзе ў Беларусь, нарабіў бяды ў паўночнай Еўропе (фотарэпартаж)