"Аэрафлот" адмяніў сённяшнія ранішнія рэйсы з Масквы ў Мінск і назад
Авіякампанія "Аэрафлот — расійскія авіялініі" адмяніла сённяшнія ранішнія рэйсы з Масквы ў Мінск і назад. Прычына — неспрыяльны прагноз надвор'я ў аэрапорце Шарамеццева.
Як інфармуе БЕЛТА, адменены рэйс вылетам у 9.00 з Масквы ў Мінск і рэйс з Мінска ў расійскую сталіцу вылетам у 11.25. Агулам 6 снежня "Аэрафлот" па метэаўмовах адмяніў дзясяткі рэйсаў.
Нагадаем, з-за моцнага ветру ў Беларусі аб'явілі аранжавы ўзровень небяспекі.
