Адзіная саперніца Трампа ў Рэспубліканскай партыі Нікі Хэйлі выходзіць з гонкі
![Нікі Хэйлі](/sites/default/files/styles/gallery_main/public/2024-03/nikki.jpg.webp?itok=NdEEaXJ4)
Нікі Хэйлі / Reuters
Экс-губернатар Паўднёвай Караліны і былая пастаянны прадстаўнік ЗША ў ААН Нікі Хэйлі афіцыйна здымае сваю кандыдатуру ў барацьбе за намінацыю кандыдатам у прэзідэнты ад Рэспубліканскай партыі, паведамляе "Бі-Бі-Сі". Ёй не ўдалося дамагчыся колькі-небудзь значнага поспеху па выніках "супераўторка" ў ЗША, калі праймерыз Дэмакратычнай і Рэспубліканскай партый прайшлі адразу ў 15 штатах і на адной амерыканскай тэрыторыі. На іх пераканаўчую перамогу атрымалі 81-гадовы Джо Байдэн і 77-гадовы Дональд Трамп. Хейлі з невялікай перавагай выйграла толькі ў штаце Вермонт.
У "супераўторак" размяркоўвалася каля траціны ўсіх галасоў дэлегатаў — 865 у рэспубліканцаў і як мінімум 1420 у дэмакратаў. Байдэн атрымаў перамогу на дэмакратычных праймерыз у 14 штатах.
Даныя апытанняў паказвалі, што ў Нікі Хэйлі значна больш шанцаў дамагчыся пераканаўчай перамогі над Джо Байдэнам на прэзідэнцкіх выбарах у лістападзе 2024-га, чым у Трампа. Аднак паражэнні на праймерыз практычна не пакінула ёй шанцаў скласці канкурэнцыю экс-прэзідэнту ЗША ў барацьбе за намінацыю.
![Адзіная саперніца Трампа ў Рэспубліканскай партыі Нікі Хэйлі выходзіць з гонкі](/sites/default/files/styles/default_image_paragraph/public/paragraphs/image/2024.jpg.webp?itok=8KO7crZS)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.