Ад укусаў кляшчоў на Віцебшчыне пацярпелі каля 3700 чалавек

Ад укусаў кляшчоў на Віцебшчыне пацярпелі каля 3700 чалавек

На Віцебшчыне са скаргамі на ўкусы кляшчоў ва ўстановы аховы здароўя сёлета звярнуліся 3680 чалавек. Прычым 942 з іх — дзеці, кажуць у Віцебскім абласным цэнтры гігіены, эпідэміялогіі і грамадскага здароўя.

Па словах спецыялістаў, такая вялікая колькасць укусаў тлумачыцца анамальна цёплым надвор'ем, якое ўсталявалася ў другой палове вясны ў рэгіёне. У выніку сезон актыўнасці кляшчоў пачаўся раней, што і паўплывала на павелічэнне іх колькасці.

Напрыклад, летась на гэты ж час у Віцебскай вобласці ад укусаў кляшчоў пацярпелі толькі 2968 чалавек, з іх — 834 дзіцяці.

Спецыялісты адзначаюць, што іксодавыя кляшчы выяўленыя ва ўсіх без выключэння раёнах Віцебшчыны. Праверка ў лабараторыі на лайм-барэліёз дала станоўчы вынік у 237 тэстах з 642. Гэта складае 36,9% — больш, чым у 2017 годзе.

Ад укусаў кляшчоў на Віцебшчыне пацярпелі каля 3700 чалавек
Фота: pixabay.com

Апошнія навіны

Галоўнае

Выбар рэдакцыі