Ад FSC патрабуюць расследаваць сертыфікацыю мэблі, якую робяць у турмах РБ
![Праца ў папраўчай калоніі ў РБ](/sites/default/files/styles/gallery_main/public/2024-02/praca.jpg.webp?itok=6Od5GnXl)
Праца ў папраўчай калоніі ў РБ / БЕЛТА
Ад міжнароднага Ляснога апякунскага савета (FSC) патрабуюць расследаваць сертыфікацыю мэблі, якую робяць зняволеныя ў калоніях Беларусі (а сярод іх — палітвязні). Адпаведны ліст падпісалі палітыкі, грамадскія дзеячы і праваабаронцы з 17 краін свету.
Знакі якасці FSC адкрываюць бізнесам, звязаным з рэжымам Аляксандра Лукашэнкі, шлях на сусветныя рынкі. Ад арганізацыі патрабуюць правесці незалежнае расследаванне таго, як першапачаткова былі сертыфікаваны беларуская драўніна і мэблевая прамысловасць. Каб захаваць сваю рэпутацыю FSC, падпісанты заклікаюць ацаніць неабходнасць усталявання мінімальнага ўзроўню кіравання і палітычнай свабоды ў краіне, перш чым прадастаўляць сертыфікацыю лясной гаспадаркі, піша greenbelarus.info.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.