Абноўлены санкцыі супраць канькабежнага спорту Беларусі і Расіі

Абноўлены санкцыі супраць канькабежнага спорту Беларусі і Расіі. Міжнародны саюз канькабежцаў (ISU) працягнуў тэрмін адхілення ад міжнародных спаборніцтваў спартсменаў з гэтых краін. Папярэдняе рашэнне было прынятае ў пачатку сакавіка. Забарона адносіцца да спаборніцтваў па фігурным катанні, шорт-трэку і канькабежным спорце. Прычына — расійская агрэсія супраць Украіны.

Беларусь і Расія не змогуць прэтэндаваць на правядзенне спаборніцтваў Міжнароднага саюза канькабежцаў.

Санкцыі таксама могуць закрануць і спартыўных функцыянераў з РБ і РФ. Савет Міжнароднага саюза канькабежцаў можа не дапусціць іх да ўдзелу ў кангрэсе арганізацыі (ён пройдзе ў чэрвені) і ў выбарах кіраўнічых органаў ISU. Беларусы і расіяне не змогуць удзельнічаць і ў іншых мерапрыемствах.

Далейшыя рашэнні ISU будуць прымацца ў залежнасці ад развіцця сітуацыі ва Украіне.