64-гадовы мінчанін забіў на працы сваю жонку і застрэліўся сам
Цела 50-гадовай жанчыны з агнястрэльнымі раненнямі знайшлі ў памяшканні Цэнтру карэкцыйна-развівальнага навучання Заводскага раёну сталіцы.
Пра гэта БЕЛТА паведаміла афіцыйны прадстаўнік Следчага камітэту Юлія Ганчарова. Паводле яе інфармацыі, да забойства спрычыніўся 64-гадовы муж загінулай. Крыху пазней яго цела таксама з агнястрэльным раненнем знайшлі ў аўтамабілі, які быў прыпаркаваны непадалёк.
Матывы злачынства палягаюць у сямейна-бытавых адносінах, мяркуюць у Следчым камітэце. Цяпер спецыялісты высвятляюць усе абставіны здарэння.
