35% Беларускай нафтавай кампаніі будуць належыць акцыянерам
Доля дзяржавы ў ствараемай Беларускай нафтавай
кампаніі (БНК) складзе 65%, астатнія 35% будуць належыць акцыянерным таварыствам.
Пра гэта са спасылкай на намесніка старшыні канцэрна "Белнафтахім"
Міхаіла Асіпенку паведамляе “БелаПАН”.
У прыватнасці, акцыі БНК набудуць ЗАТ "Беларускі нафтавы гандлёвы дом", ААТ "Мазырскі НПЗ", ААТ "Нафтан".
"Мы ствараем арганізацыю, якая будзе закупляць нафту,
перапрацоўваць яе і рэалізоўваць нафтапрадукты спажыўцам ў розных рэгіёнах
свету", - заявіў спадар Асіпенка, падкрэсліўшы, што БНК будзе арыентаваная
першым чынам на продаж нафтапрадуктаў.
