27 ліпеня зноў падаражае аўтамабільнае паліва

27 ліпеня "Белнафтахім" чарговы раз падымае цэны на аўтамабільнае паліва, паведамляе яго прэс-служба. Гэта 23-е падаражанне з пачатку года.

Цэны павысяцца на 1 капейку. Такім чынам, літр АI-92 будзе каштаваць 1,93 рубля, АІ-95 — 2,03 рубля, АІ-98 — 2.25 рубля, дызельнае паліва — 2,03 рубля.

Канцэрн спасылаецца на рост каціровак нафты ў параўнанні з пачаткам года.