23,4% беларусаў гатовыя ўступіць у ЕС, 24,8% — у Расію
![23,4% беларусаў гатовыя ўступіць у ЕС, 24,8% — у Расію](/sites/default/files/styles/gallery_main/public/2023-08/000023_680657_bigbelta.jpg.webp?itok=r4qigHE4)
Еўрарадыё атрымала поўныя вынікі даследавання сакавіцкага даследвання сацыёлагаў з НІСЭПД. Яно ўтрымлівае шэраг пытанняў аб знешнепалітычных сімпатыях грамадзян Беларусі. Згодна з яго вынікамі, на гіпатэтычным рэферэндуме аб уступленні ў Еўрапейскі Саюз “за” сёння гатовыя прагаласаваць 23,4% апытаных, “супраць” — 53,9%. У снежні мінулага года такіх людзей было 19,8% і 56,1% адпаведна.
Пры гэтым амаль палова апытаных хацелі б часова папрацаваць у якой-небудзь краіне Еўрасаюза, калі б была такая магчымасць. На рэферэндуме аб аб'яднанні Беларусі і Расіі “за” гатовыя галасаваць 24,8% апытаных, “супраць” — 52,4%. У мінулым снежні такіх было 29,7% і 51,5% адпаведна.
![23,4% беларусаў гатовыя ўступіць у ЕС, 24,8% — у Расію](/sites/default/files/paragraphs/image/000019987637big.jpg)
Фота: БЕЛТА