15 тон мяса з Беларусі для Казахстана знайшлі ў Санкт-Пецярбургу
![15 тон мяса з Беларусі для Казахстана знайшлі ў Санкт-Пецярбургу](/sites/default/files/styles/gallery_main/public/2023-08/20211208_063748.jpg.webp?itok=PrPS3QR1)
Амаль 15 тон мяса з Беларусі для Казахстана знайшлі ў Санкт-Пецярбургу. Як паведамляе прэс-служба Паўночна-Заходняга мытнага ўпраўлення РФ, кошт прадукцыі складае 3 млн 100 тысяч расійскіх рублёў (больш за 40 тысяч долараў).
Высветлілася, што грузавік, які паводле дакументаў, мусіў ехаць з Беларусі ў Казахстан, чамусьці застаўся ў Расіі ды яшчэ паехаў на поўнач. У Санкт-Пецярбургу адбылася выгрузка ялавічыны.
Адзначаецца, што "мяса буйной рагатай жывёлы" лічыцца ў Расіі "стратэгічна важным таварам" і ў яго дачыненні дзейнічае забарона на ўвоз на тэрыторыю РФ (у кіроўцы быў дазвол толькі на транзіт). Распачата крымінальная справа аб кантрабандзе.
![15 тон мяса з Беларусі для Казахстана знайшлі ў Санкт-Пецярбургу](/sites/default/files/paragraphs/image/20211208072215.jpg)
![15 тон мяса з Беларусі для Казахстана знайшлі ў Санкт-Пецярбургу](/sites/default/files/paragraphs/image/20211208055713.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.