12 беларусаў у Расіі шпіталізавалі з падазрэннем на менінгіт

Сярод захварэлых на менінгіт у Расіі ёсць і беларусы / pixabay.com

12 грамадзян Беларусі ў Расіі шпіталізаваныя з падазрэннем на менінігіт, паведамляе беларуская амбасада ў РФ.

"У дваіх дыягназ не пацвердзіўся, 8 знаходзяцца ў стане сярэдняй цяжкасці, адзін — у цяжкім стане. Па непацверджанай пакуль афіцыйна інфармацыі, адзін з шпіталізаваных беларускіх грамадзян сёння памёр", — гаворыцца на сайце амбасады.

Дыпламаты заяўляюць, што гатовыя ў межах магчымасцяў дапамагаць грамадзянам Беларусі.

Успышка інфекцыйнага менінгіту адбылася сярод работнікаў склада OZON у падмаскоўнай Істры. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.