З'явіліся звесткі пра затрыманне спявачкі Ларысы Грыбалёвай — "Вясна"
![Ларыса Грыбалёва](/sites/default/files/styles/gallery_main/public/2023-11/hrybaliova-0111.jpg.webp?itok=n9GfXanW)
Ларыса Грыбалёва / facebook.com/gribalevalarisa
Праваабаронцы "Вясны" паведамляюць пра магчымае затрыманне спявачкі і вядоўцы Ларысы Грыбалёвай. Пры гэтым удакладняюць, што інфармацыя не пацверджаная.
Як мяркуецца, затрыманне адбылося 31 кастрычніка ці 1 лістапада. Дома ў Грыбалёвай працшоў ператрус. Падрабязнасці высвятляюцца.
У 2020-м спявачка разам з іншымі дзеячамі культуры выступіла супраць гвалту сілавікоў і за свабодныя сумленныя выбары. Пасля гэтага яна трапіла ў негалосны спіс 80 выканаўцаў, якім забаронена выступаць у нашай краіне.
У траўні тэлеканал "Europa Plus TV" атрымаў папярэджанне ад Мінінфармацыі за тое, што Грыбалёва вяла там дзіцячую праграму.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.